«Еркетай» шағын орталығы
2008 жылдың 17 қарашасында Балқаш қаласының № 5 орта мектебінде «Еркетай» шағын-орталығы ашылған. Мектепке дейінгі шағын- орталықтың жұмысын ұйымдастыру туралы №89/1 бұйрық шығарылды. Шағын-орталықтың жұмысы нормативті- құқықтық құжаттар негізінде жүргізіледі:
— ҚР Мемлекеттіқ жалпы міндетті білім беру стандарты;
— ҚР мектепке дейінгі білім беру ұйымдарында 2009-2010 оқу жылының басталуы туралы нұсқаулық-әдісте мелік хат;
— 2015 жылға дейінгі ҚР білімді дамыту тұжырымдамасы;
Шағын орталықта 4 топ жұмыс істейді. Сағат 8 ден 13 ке дейін бейімделу тобы, 8- ден 18- ге дейін дамыту 3 тобы бар. Барлығы 75бала тәрбиеленуде.
3 жасар- 28
4- жасар- 27
5 жасар- 20
Шағын-орталықты ұйымдастырудың мақсаты- мектепке дейінгі жастағы балалардың жан-жақты дамуы және олардың ата-аналарынан кеңестік-әдістемелік қолдау;
Шағын- орталықтың негізгі міндеттері:
1. балалардың денсаулығын қорғау;
2. Балаларды ерте жастан әлеуметтендіруді қамтамасыз ету
3. Әр баланың жас ерекшеліктері мен мүмкіндіктерін есепке ала отырып, балалардың ақыл- ой, адамгершілік, дене бітімі, эстетикалық, эмоциялық, танымдық қабілеттерін дамыту.
4. Балаларды күтуді, қарауды ұйымдастыру.
5. Балалардың дамуындағы ауытқуларды уақытында түзету.
6. Ата- аналарға педагогикалық- психологиялық кеңес беру.
Мектепке дейінгі шағын- орталық 3-5 жас аралығында дамытушы орталық негізінде құрылды. Шағын- орталық аптасына 5 күн, сағат 8- ден 18-ге дейін жұмыс істейді. Шағын-орталық Мемлекеттік стандартқа сейкес жаңа жиһаздармен, ойыншықтармен, техникалык жабдықтармен, бұйымдармен жабдықталған. Күн тәртібі тәрбиеленушілердің психологиялық және жас ерекшелігін ескере отырып құрастырылған. Сабақ оқыту, ұйықтау, 3 мезгіл тамақтандыру, қыдыру, ойнату- балалардың жақсы дамуына әсер етеді.
Топтарда табиғат бұрышы, көркемдіқ- эстетикалық, ойлау, сөйлеу орталықтары безендірілген.
Тәрбиелеушілер топтарда жайлы жағдай жасауға тырысады. Тәрбиелеушілер өз жұмыстарында Балапан, «Қарлығаш», « Балбөбек», «Қайнар» бағдарламаларына басшылық етеді. Оқу жылының басында шағын- орталықтың жылдық жүмыс жоспары құрылды. Онда педагогтардың педагогикалық шеберліқтерін жоғарылатуға бағытталған мерекелік іс-шаралар, ашық сабақтар, семинарлар, кеңестер, педагогикалық кеңестер жазылған.. Оқыту процесінде тәрбиелеушілер балаларды туған елдің табиғатымен, үлкендердің еңбегімен, еліміздің маңызды күндерімен таныстырады, Отанға деген сүйіспеншілікке тәрбиелейді.
Тәрбиеші төмендегі көрсетілген міндеттері бойынша жұмыс істейді:
1. Баланың денсаулығы мен психологиялық жағдайын жасау.
2. Танымдық қабілетін дамыту.
3. Шығармашылық қабілетін дамыту.
4. Шығармашылық қиялын дамыту.
5. Коммуникативті дағдыларын дамыту.
Оқу жылының басында шағын- орталықтың жылдық жұмыс жоспары құрылды. Онда педагогтардың педагогикалық шеберліктерін жоғарылатуға бағытталған мерекелік іс- шаралар, кеңестер, педагогикалық кеңестер жазылған.
Әр тақырыпта ойындар, еңбек туралы, кейбір тақырыптарда мерекелер бар.Тәрбиеленушілерді отаншылыққа тәрбиелеу бойынша жұмыс олардың физикалық тәрбиесімен байланысады (денсаулықтарына).
Мектепке дейінгі жастағылар үшін жетекші-ойын қызметі болып табылады. Балалар ойын ойнаған кезде (тәрбиелеушілердің басшылығымен) білімдерін бекітеді. Мектеп психологы сөйлеуі қиын балалармен түзету (коррекциялық) жұмысын жүргізеді. Педагогикалық процесте ата-аналармен тығыз байланыста болу керек. Ата-аналармен жұмыс бойынша жоспарлар құрылған, ата-аналар жиналысы өткізілді. Оқу жылының соңында шағын- орталықтың барлық топтарының ата-аналарына жиналыс өткізу жоспарлануда, жазғы сауықтыру кезеңіне мерекелік іс-шаралардың жоспары құрылған
Қыркүйек. Егер балаңыз солақай болса…… атты жанұялық сайыс өткізілді. Ойынның негізгі мақсаты: Ата- аналарды балаларының балабақшадағы өмірімен таныстыру. Баласының қабілеті мен дарындылығымен таныстыру.
Қазан. Күз кереметтері өзіндік таным сабағы өтті. Мақсаты: Баланы айналаны танып білуге жыл мезгілдерінің айырмашылықтарын ажырата білуге үйрету.
Қараша. Әдептілік Әдемілік атты таным сабағы болды. САбақтың мақсаты: баланың үйде, көшеде, қонақта өзін- өзі қалай ұстау керектігі үйретіледі. Сыпайылыққа, мейірімділікке тәрбиелеу.
Желтоқсан Тәуелсіздік тұғырым атты ашық сабақ өткізілді. МАқсаты: балаларға тәуелсіздік ұғымын таныстыру., түсіндіру. Еліміздің жерін, байлығын қорғауға үйрету. Ұлттық мақтаныш сезімін ояту.
Қаңтар. Ата- аналар бұрышы сайысы өтті. Ақпан айында Ең күшті сабақтың конспектісі сайысы өткізілмек.Мамыр айында Жыл тәрбиелеушісі сайысы жоспарлануда.
Тәрбиелеушілердің жүйелі жұмыс істеулерінің арқасында балдырғандар ұйымшылдыққа үйренуде, оқу қызметінің дағдылырын меңгеруде, бағдарламаларды игеруде.